۷۱ - قاديًن باش قالديًرسا دونيا سيلکه نر.
قاديًن باش قالديًرسا دونيا سيلکه نر.
(قاديًن دينچی حرکته قاتيًلماز.)
اونجه دينين وئرمه ديگی حاقلاری قاديًنا وئر،*
سونرا طالاق حاققی وئرمه ين فارسی وور يئره سر.
*- يازيًلاريًندا، چيًخيًشلاريًندا، پلاتفورملاريًندا.
1003
قاديًنسيًز هئچ بير هدف گرچکلشمز،
يئر فيًرلانماسا خوسوف گرچکلشمز،
گوجه سويکنمه ين لاف گرچکلشمز؛
ايسلام يئندی ذردوشچو فارس ائرککی،
چونکو دستکله مه دی خانيًم بگی.
1004
دوشمن دوشمنی نيًن بئلیًنی بوکر،
قاديًنسيًز عوصيانيًن قانیًنی توکر،
قاديًن باش قالديًرسا ظولم ائوی چوکر.
خالقی نيًن حاققيًنی وئرمه ين ميللت،
دستکلنمز قورا موستقيل دوولت.*
*- اينانماسان پيشه وری دن سور!
1005 *- ديققت!
اتچه اوشاق آناسیًنا سويکه نر
قاديًن اولدورولسه نسيل توکه نر
قاديًن باش قالديًرسا دونيا سيلکه نر
قاديًنيًن صينفی بيلينجی اولچودور*
قاديًنی بيليکلی توپلوم سولچودور <
1006
اينسان حاقلاريًندان يانا سرمايه
قويماز يازقی يازديًرا دينسل آيه <
يوخسا گرچکلشمز اينسانچيًل قايه
قاديًن هم ميللتی باغيًمسيًز ائدر
هم ده اينکيشافيًن يولونو گئدر
1007
قاديًن قورتولماسا دردی آرتيًرار
چونکو باش قالديًرماز، ائوده اوتورار
باش قالديًرسا ائرککی ده قورتارار
ائرککين محصولو گئريچی اولار
قاديًنيًن محصولو دئوريمچی اولار <
1008
توپلومو قاديًن دوغار، خالق بسله ير
دردلی توپلوم ميللتینی پيسله ير <
آناسی ايله خالقيًنی سسله ير
دردلی خالقيًنی قورتاران آناديًر
چونکو آنا قورتولوشدان ياناديًر
1009
هئچ بير آنا دوغدوغونو اولدورمز
دوغدوغو گول- چيچگینی سولدورماز
توپلومو ايله يوردونو بولدورمز
اولدورن، بولدورن آنجاق ائرککدی
قاديًنيًن دوشمنی تاجيردی، بگدی.
(خالقيًميًن دوشمنی تاجيردی، بگدی.)
30.11.2009