۷۰- گونتای بی گنجالپی من چوخ سئويرم.
گونتای بی گنجالپی من چوخ سئويرم.
998
بيز کاميل اينسان پئشينده گزمه ريک
ايريسینی دوزلده ريک، ازمه ريک
"بيًخيًلاجاق" تورکچو تورکدن بئزمه ريک
گونتای بگين آغلی جهليندن چوخدور
بيلمه ديکلری حاقدا سوچو يوخدور
999
گونتای بی گنجالپی من چوخ سئويرم
ديرلی اولدوغو اوچون اويورم
اوزونو يوخ کی، جهلينی دويورم
گونتای بی ايله بيز آينی بئزدنيک
اودلار يوردونو يارادان کوزدنيک
1000
گونتای بی ين سهوی جهليندن دوغور
گاه اونون، گاه بونون باشيًنا ياغيًر
جهلی ائديب اونو قولاقدان ساغيًر (کار)
گونتای بی صاف اوره کلی گرچک تورکدور
ولاکين سهولری ده بويوکدور
1001
گونتای بی آزديًغی يولدان دونه جک
گرگينلشميش عصبلری سونه جک
ايفلاسا اوغرادان جهلی يئنه جک
گونتای يًن يئری تورکون يانيًنداديًر
ايستيقلالچی آذربايجانيًنداديًر
1002
هر کس حاقليًديًر سربستجه دوشونه
ياخود باشقا دوشونجه يه داشيًنا
قاريًشماق اولماز کيمسه نين ايشينه
هر کسين ده حاققی وار تنقيد ائده
حاققی يوخدور دئيه "آی ... گئده- گوده"
گونتای بی گنجالپ
"درويش ..." دئييل،
بويوک اينسانديًر.
29.11.2009