۶۱ - سوسياليزم اينسانليًغيًن مکتبیدير.

سوسياليزم اينسانليًغيًن مکتبیدير.

928         *- دئييلمی؟

سوسياليزم اينسانليًغيًن مکتبیدير

اينسانليًق عدالتين سببیدير

اينسانسئورليک مظلومون دبیدير

سوسياليزم اينسانليًغا قوللوق ائدر

چونکو کوممونيزمين يولونو گئدر

(ييًرتيًجی دوشمنی هر رئژيم ديدر)*

929

کاپيتاليزم هر کسی درده سالار

چونکو اينسانليًغی اليندن آلار

بير- بيری نين اتینی يئمک قالار

کاپيتاليزم ايشچینی کوله ائدر  <

ايش گوجو آلان صينفی دله ائدر

930

سوسياليزم ظولومون کوکونو قازار

چونکو عئييبسيز آنا ياسا يازار

کوله ائديجی قانونلاری پوزار  <

سوسياليزم مولکييت شکليندن دوغار

اوزه ل مولکييت ايش گوجونو "ساغار"

931     *- "ائل گوجو، سئل گوجو"

سوسياليزم دئير (۱) آراج  وطنيندير

(۲) فردی ايش گوجونون کاری سنيندير

(۳) کوللئکتيو گوجون* کاری دوزه نيندير

(۴) وطن آراجيًنی کولخوز قوللانار

ييًپرانما خرجی دوولته يوللانار

932

سوسياليزم (۵) مسکن خرجینی اوده ير

(۶، ۷) تحصيل و درمان خرجینی اوده ير

(۸، ...)  يئتيم اوولاديًن خرجینی اوده ير

سوسياليزم عئييبسيزدير کی، گوجلودور

اويقولاماق ايسته مه ين سوچلودور  <

  (کيش و مات)

933

سوسياليزم بورژووانی دا قورتارار

چونکو اونو دا اوزونه قايتارار

سوسياليزمين ديرینی آرتيًرار

کاپيتاليزم سوموروچو يارادار

سوسياليزم "ايلکين کومونو" آرادار

934

سوسياليزم سوموروچو دوشمانيًديًر  <

گليشميش توپلوملاريًن درمانيًديًر

کی هر بيری دونيا قهرمانيًديًر

نئچه دوولتلی گئريچی تورانا

بورژووا دئوريمی لازيًمديًر آنا.

       (صنايهً دئوريمی)

02.09.2009