۶۰ - دئييرلر سايقی دوی مانقورت ائدنه!
دئييرلر سايقی دوی مانقورت ائدنه!
(ندن فاشيستی دينه حورمتين وار؟!)
921
دئييرلر آنجاق کی، آللاها قول اول
يعنی مانقورت ائدن دينی دوغرو بول
کی قاديًن صينفینی ائرکک ائده قول
دئييرم کيمسه يه مانقورت اولماييًن
مانقورت ائدن دينی دوغرو بولماييًن
922
دئييرلر سايقی دوياليًم آللاها
کی خالقی رعييت ائديبدير شاها،
تاجيره، اربابا، آيت آللاها.
دئييرم آلله کوله چی صينفدير <
او صينفين هر کسيمی بير طئيفدير
923
دئييرلر سايقی دوياليًم قورآنا
چونکو توپلومو بنزه ديب اورمانا
کی قولو گوجسوز چئوريله قوربانا
دئييرم قورآن حاق وئريب ائرککه
کی قاديًن صينفی نين بئلینی بوکه
924
دئييرلر سايقی دوياليًم ايسلاما
چونکو سايقی دويماييًبديًر ماداما <
"حووا"نيًن حاققيًنی وئريب "آدام"ا
دئييرم ياخشيًيا سايقی دويارلار
پيسی پيسليگين قابيًنا قويارلار
925 *- حئيوانليًق قانونلاريًنا
دئييرلر سايقی دوی ايسلام دينینه*
يعنی حاق وئرمه آيه سی چئيننه،
اينانما تنقيدچی اينسان بئينینه.
دئييرم دين خالقی مانقورت ائديبدير <
آنتی قاديًن صينفه روبوت** ائديبدير
**- موقلليد، طوطی، کوله، نوکر.
926 (خسته ائدنه)
دئييرلر سايقی دوی مانقورت ائدنه
خسته ائدنين يولونو گئدنه
قارشی چيًخانی ايت تکين ديدنه
دئييرم ديديلن کسيم ... آيديًنديًر
خالقی مانقورت ائدن آنتی قاديًنديًر
927
دئييرلر دهً "تانری تورکو قوروسون!"
تانری نيًن ازديگی قاديًن چوروسون*
"ابليس"ين اکديگی توخوم قوروسون
دئييرم روتبه يه ساتما اوزونو <
قورتار آنانی، باجيًنی، قيًزيًنی.
*- تانری ال قويدوغو حاقلاری گئری وئرمز.
حاق وئريلمز، آليًنار.
31.08.2007