۵۹ - ماددی دوشونمه ين خالقی چاپارلار.
ماددی دوشونمه ين خالقیچاپارلار.
914
ديًش دونياداکی ظولوم اولماسايدی
ظولومدن يانا بولوم اولماسايدی
صينفی ساواشلا اولوم اولماسايدی
صينيفلشمزدی خالقيًن ايچ دونياسی
دييشمزدی هومانيزمين بونيه سی
915
معنوييات مظلومون پاستاسيًديًر
مظلوم، معنويياتين اوستاسيًديًر
ظاليًم "اينسان"، اينسانيًن خسته سيدير
ظاليًمی خسته ائدن سرمايه دير*
ظولومون کوکونو قازماق قايه دير
*- سرمايه نين گئريچی بولومو
916
ساغچی باريًشديًريًجی پلان قورار
ظاليًميًن خئيرینه نيفرتی بورار <<<
چونکو نيفرت ظاليًمدان حئساب سورار
ظولوم مولکييت بيچيميندن دوغار
بولودون ظاليًميًندان ظولوم ياغار
917 *- رئاليست اول، خيالچی يوخ!
"سولچو" دئير کی، اخلاق درسی وئرين
کی پای– بولوش اولمايا سنين کاريًن
ايشلمه ين يئمه يه دويون– قاريًن
حالبوکی، ظاليًم صينف اويوده اويماز* <
چونکو سوموروچونون "قارنی" دويماز
918
مظلوما اويرت کی، حاققيًنی آلا
ايش- گوجونون کاری اوزونده قالا
يعنی ماددیسل دوشونمه يه دالا
ماددی دوشونمه ين صينفی چاپارلار
چاپيًلان پول ايله ... سارای ياپارلار
919
مظلوما بيلمه ديکلرينی اويره ت
اويرنمه گی گرکن فيکير اوره ت
کی دئوريمچی گوجه دونوشه نيفرت*
مظلومون بمباسی نيفرتدی کيندی
بيليکلی کين نين گوجو بيره ميندی
*- قويما ماهاتما قاندی خالقی بورا:
دئييرلر باريشجيل اول کی، کئچينه.
باريشجيل ... قاييًدا بيلمز لاچيًنا.
920
من سيياستين سازيًنی کوکله ديم
سيياسی بيليکی شئيره يوکله ديم
پوليتيکانی سنته اکله ديم (تملینی قويدوم)
من ائينشتئين تکين آختارديًم تاپديًم
شئيرين ان گوجلو بومباسيًنی ياپديًم.
بو بومبالار ايله دوشمنی وورون!
ائتکیسينی هيروشيمادان سورون!
20.08.2009