۵۲ - بويکوت اولونور آرازيًن اثری!

بويکوت اولونور آرازيًن اثری!

سين دئدين "اوياد قورتارا وطنی"

بويله می قارشيًلاياجاقديًن منی؟

857

 دئييرلر دورد ايل سککيز آیدان بری،

بويکوت اولونور آرازيًن اثری!

کی زای اولا توکدويو آليًن تری.*

دئييرم اويره تمه ديلر اويره نم،  <

هم ده بويکوت ائتديلر کی، ايره نم.

 

   *- آغلاسان آغلا آرازيًن حاليًنا!

858

دئييرلر تورک خالقی اود توتوب- يانيًر

نئچه ايليک تاريخيندن اوتانيًر

او تاريخيندن کی، آرازی دانيًر

دئييرم خالق حاق وئرر تنقيدچیيه

اوزو قاراليًق قالار بويکوتچويا

 

خالقيًمی اوتانديًران "آغساققال"لاريًميًزدان سورسانيًز دئيرلر:

بيز آرازی سايماديًق چيًخيًب- گئده،

او دا قالدی رذيلی رذيل ائده.

859

دئييرلر تاريخچی تاريخی يازيًر

کی هانسی "آغساققال" يولوندان آزيًر

آغساققاليًغيًن ... قبيرینی قازيًر         <<<

دئييرم آی "آغساققال"لار اوتانيًن!

بويکوتچودان نه اويره نر وطنين؟

860   (هر سيياسيًيا اينانما!)

دئييرلر اولولری ديريلديرلر

سوزلری حاقدا فيکير يورودورلر

بويکوت اولموش ديرینی چورودورلر  <

دئييرم يوزلر"آغساققال"دان بيری

دئمه دی کی، بوشدور آرازيًن يئری*

کی اولمه دن گومه لر ديری- ديری

 

  *- ائله اونا گوره بويوک تحقيره لاييقديرلر.

861   *- بويکوتچونون گيزلی هدفی.

دئييرلر بويکوتچو بيليکدن قورخار  <

بو ندنله تنقيدچیيه يان باخار

اوزونو قاشيًسان يانديًريًب- ياخار

دئييرم بويکوتچو قويماز گليشه

کی گئريچی صينيف کاما ايريشه*

862   *- اينانما دون دييشديرن تولکويه!

دئييرلر آتديًم باشی دوشون داشيًن

بويکوتچونون گله جگینه دوشون   <<<

يوخسا درده دوشر سنين ده باشيًن*

دئييرم هئچ بير ماهييت دييشمز

دوز ايری نين جبهه سينده دويوشمز

863    *- بو گونون ياريًنی وار.

دئييرلر ياخشی، ياخشی آدديًم آتار

پيس، پيسليکلرين باتاغيًنا باتار

بويکوتچونون سونو فاشيزمه چاتار

دئييرم بويکوتچو خالقی قانديًرار

خالقيًن دنلی خرمنی نی يانديًرار*

864

دئييرلر آی بالتاجی آراز يئتر

تکرارلانان سوزون ديری ايتر

اکديگين دئوريمچی توخومون بيتر

دئييرم من بوستانيًمی بوداديًم

کيچيک بورجومو خالقيًما اوده ديم.

 

گوره سن ايکينجی آراز دوغاجاق؟

يوخسا ياغيًش يئرينه اود ياغاجاق؟

18.12.2008