۵۰ - دئييرم آراز خاريجه لی دئييل!
دئييرم آراز خاريجه لی دئييل!
گئری قافالی اوروجعلی دئييل.
841 *- بودور بيرليگين تمل داشی.
دئييرلر ايستيقلال هر صينف اوچوندور
ديکتاتورلوق حئيوانی کئف اوچوندور
دئموکراسی ازيلن طئيف اوچوندور <<<
دئييرم هم ميللی، هم دئموکرات اول!*
چونکو بيرلشمز دوز ايله ايری يول.
842
دئييرلر کوتله ظلم اليندن بيًخار
بئزديرن رئژيمی ييًخماغا قالخار
رئژيمی ييًخان کوتله...اله باخار*
دئييرم کوتله قولونو قوللانار
سيياسی يول گوسترمه گه يوللانار
*- گووده نين قويروغو يوخ کی، باشی اول!
843 *- دئوريمين هدفی اونودولماز.
دئييرلر کوتله گئنه ده قالخاجاق،
رئژيمين دوزاقلاريًنی ييًخاجاق،
آخيًديًلان قانی ... هارا آخاجاق؟ <<<
دئييرم قانداکی ايستکلری قان!
او قانلارا آنا ياسادا وئر جان!*
844 *- دئمه يين دئمه ديلر.
دئييرلر سای گور نئچه تاجير اولوب؟
نئچه ائوسيز قالان موستأجير اولوب؟
نئچه ييًپرانان يوخسول اجير اولوب؟
دئييرم هر ساواشدا يوخسول اولر،
قانون قويدوران صينفين اوزو گولر.* <
845 *- نييه؟ هاچانا دک؟
دئييرلر ازيلن صينف هم قاديًنديًر
هم ده دوشونجه اوره تن آيديًنديًر
ريفاه آنجاق تاجير ايله لوردوندور*
دئييرم ايکی قانادلی قوش اوچار
ريفاه سيًز ايستيقلال قانا يول آچار <
846 *- ديققت!
دئييرلر ريفاه ايسته ين کونلومدور
ريفاه قاليًبلاشميًش گئنل آنلام ديًر*
بليردن اولچو قورويان اونلمدير
دئييرم آتالار دا دئيرديلر
اوردو ايله ايشچی ائش ديرديلر
847
دئييرلر دين قاديًنيًن دوشمنيدير
آيديًنلادان- آيديًنيًن دوشمنيدير
چاغدان يانا يوردونون دوشمنيدير
دئييرم حاق وئريلمز کی، آليًنار
دوشمنسئورين آغزيًنا چاليًنار
848
دئييرلر ايدئولوژو يوروتمه:
يعنی دردلرين کوکونو بليرتمه،
دوندورولموش بئيين لری اريتمه.
دئييرم بئيين دوشونمک اوچوندور
ياريًنا پلان قوردوران بو گوندور.
18.02.2009