۴۹ - دئييرم اويادماسان گئج قالارسان.
دئييرم اويادماسان گئج قالارسان.
829
دئييرلر اوزه ل سرمايه آزادديًر
سوموروچو صيفين ائوی آبادديًر
آز معاش آلانيًن حالی بربادديًر
دئييرم ريفاهسيًز ياشاماق اولماز
ريفاه سيًز جهلی ده بوشاماق اولماز <
830
دئييرلر يا سوسياليستی دوزه ن قور
يا دا يوخسوللاريًن آرخاسيًندا دور
سوموروچو صينفلردن حئساب سور
دئييرم سومورونون ده حددی وار
يوخسا يوخسوللوق "... پنجره دن قووار."
831 *- نييه سنه قوللوق ائتمه يير؟
دئييرلر دوغال قايناقلار ائليندير
دوولته وئرديگين وئرگی باليًنديًر
قوردوغون دوولت سنين ده قولوندور*
دئييرم يوخسول بودجه دن بسله نر
دوولت بو سوروملولوغو اوستله نر
832 *- نييه وارليًلارا خرجله نير؟
دئييرلر ائل ساغلام ياشاماليًديًر
دوکتورسوز- دوولتی بوشاماليًديًر
دوغال قايناقلار يوخسولون ماليًديًر*
دئييرم بودجه يوخسولا صرف اولار
قالان بولومو ... اينکيشافا قالار <
833 *- هاچان؟
دئييرلر دوولت ايش وئرر ايشسيزه
چوره ک وئرر يئتيم قالميًش باشسيًزا
آجليًق يئديرمز قازانی آشسيًزا
دئييرم يوخسولا دوولت ائو وئرر
يوخسا يوخسول دا دوولتی دئويرر*
834 *- نييه اتی اونون، سوموگو سنين؟
دئييرلر ساوادی فيًرماقوللانار
يوکسک تحصيللی قوللانان پوللانار
يوخسول گوجونو گوممه گه يوللانار
دئييرم بويوروغو قايه دن آل
تحصيلين خرجینی سرمايه دن آل*
835 *- نييه اينکيشافيًميًز يئرينده ساييًر؟
دئييرلر هر دئوريمده يوخسول اولر <
قالان يوخسول اکديگی يئری بولر
يئر صاحيبی اولانيًن اوزو گولر
دئييرم ميللی، گوجونو آرتيًرار
فاييزی يئرين اوستونده ياتيًرار*
836 *- مينيش وئرمه ينی مينمزلر.
دئييرلر درديميز ريفاهدردیدير
يوردوموز يوخسول ائدنين يوردودور
يوخسول ائدن يوردوموزون قوردودور
دئييرم وئريلن آشی ايچرلر (آش ~شوربا)
ايسته نيلمه ين حاقدان وازکئچرلر*
837
دئييرلر ايستيقلال لازيًمديًر يوردا
کی ميللی کيمليگی وئرمه يک قوردا
گئنه قيسمت اولا تاجيره لوردا
دئييرم يوردو يوخسول قورتاراجاق <
... اوتاران صينيفلری اوتاراجاق
838
دئييرلر اونجه فئوداليزمی گوم
سونرا گليشديرن ظولومه گوز يوم
زامانيًندا کاپيتاليزمی ده گوم
دئييرم هر زامان دئوريمچی اولون
هم ده هر ساحه ده ائوريمچی اولون
839 *- دئمه يين دئمه ديلر.
دئييرلر دوولت قورولمادان اونجه
خالقی اوياد کی، گليشه دوشونجه
آنا ياسايا يئديره دويونجا
دئييرم اويادماسان گئج قالارسان
آنا ياسادا يازانی آلارسان* < (ديققت!)
840
دئييرلر آتالار دا دئيرديلر
اوردو ايله ايشچی ائش ديرديلر
عئينی ماعاشی آليًب- يئيرديلر (عسکری اوجرت)
دئييرم بو بير ريفاه اولچوسودور*
آنا ياساميًزيًن بير ايلکه سیدير.
*- بللی دردين بللی چوزوم يولو وار.
کيم اوره تير؟ کيم قورويور؟ کيم آنجاق توکه دير؟
کيم، کيم ايله ائش ده يردير؟ کيم کيمدن آسيًليًديًر؟
12.02.2009