۴۴ - دئييرم اينانما هر سيياسيًيا!
دئييرم اينانما هر سيياسيًيا!
763
دئييرلر اوياقدان چوخ ياتان وارديًر
آلاندان اونجه بيزی ساتان وارديًر
ساتقيًنيًن هارايیًنا چاتان وارديًر
دئييرم اينانما هر سيياسیًيا
باخ گور نلر اوره دير پيياسايا؟
764 (تئز ~ايلکه)
دئييرلر ايچ دوشمن ساتيًبديًر بيزی
آلان آليًب کی، يئيه حاققيًميًزی
سوموره اولکه ميزی، خالقيًميًزی
دئييرم بويوک دوشمن ايچ دوشمانديًر
بو تئزی دانان سيياسی نادانديًر*
*- بوگونکو جيب خرجينه (..............) و
گله جکده کی قوندارما شوهرت ايله پوللو روتبه يه
ساتيًلميًشلار نادان دئييلديرلر، ساتقيًنديًرلار.
(ساتقيًن دئمز کی، ساتقيًنام.)
765
دئييرلر کوتله ميز وار ساواشماغا
ساواشان ميللت ايله ياريًشماغا
حاققيًمی وئرن ايله باريًشماغا
دئييرم ايچ دوشمن چالان قازانجی
آل- وئر سيلاحا کی، چکيله سانجی
766
دئييرلر سيلاحسيًز ساواشماق اولماز
آغيًللانمادان جوشوب-داشماق اولماز
تانکسيًز تانک ايله ياريًشماق اولماز
دئييرم جاهيل سيياسيًنی تانی
سيلاحلانديًرماز کی، قووا دوشمانی
767
دئييرلر بويکوت ائديرلر آرازی
کی يازمايا خالقی اويادان يازی
اويانان سورونمگه اولماز راضی
دئييرم سيلاحی بيليک قوللانار
بيزی سيلاحلانديًران دا پوللانار
768
دئييرلر چئک و ایسلوُواک ميللتی
قانسيًز بولوشدولر او مملکتی
کی ائشيت گوجلولوک ايدی عيللتی
دئييرم سيلاحلانسا تورکون آغلی
چاتلايار تورک قانی توکه نين باغری
769
دئييرلر قالماز تجاووزه تاماح
اوردا کی، هم آغيًل وار، هم ده سيلاح
قاتيلی اولدورمک ساييًلماز گوناه
دئييرم گرچک سوچلو آغيًلسيًزديًر <
آغيًلسيًز ميللت سانکی "اوغول"سوزدور*
*- ايگيت قيًزلاريًميًزدان باغيًش ديله ييرم.
770
دئييرلر سيلاحلانمايان قورتولماز
آغيًللانديًريًلسا پرده ييًرتيًلماز
(سيلاحلانديًريًلسا پرده ييًرتيًلماز)
اورت- باسديًر ائديلمه ين سوچ اورتولمز
دئييرم نه آغيًل وئرير، نه سيلاح
نئجه يويولاجاق بو قدر گوناه
771
دئييرلر اوچ ميليون آياغا قالخدی
فاييزينی چاپان بانکلاری ياخدی
قئيرتی بيليکلنديرمه ين قورخدو
(ميللتی سيلاحلانديًرمايان قوخدو)
دئييرم هوجوما کئچمه ين ساواش
اوز اليیله اوز باشيًنا سالار داش
772
دئييرلر مظلومون ياسی اوزانار،
ظاليًم مظلومون ياسیًندا بزه نر،
هوجوما کئچن ايشقالچی قازانار.
دئييرم سن ده ايشقالچيًدان اويرن!* <
هوجوما کئچيرمه ين لردن ايرن!
*- ترجومه چی گونتای بی گنجالپيًن ماهاتما قاندی سيًندان يوخ!
باشقا دئييشله، رئاليست اول، خيالچی (ايده آليست) يوخ!
23.01.2009