۴۳ - دئييرلر فيلوزوف باش ايمز جهله.
دئييرلر
فيلوزوف باش ايمز جهله.
753 (اورون =محصول)
ايچ دونيا ديًش دونيانيًن اورونودور،
(يا آجيًسيًديًر، يا دا شيرينيدير،)
سورونو ديًش دونيانيًن سورونودور.
ديًش دونيا ايچ دونيانی دييشديرر، (اولچولری)
چونکو احتياج آغلی گليشديرر. (ضرورت)
754
دئييرلر هارداکی فيلوزوف يوخدور
اوردا نه درمان وارديًر، نه ده دوکتور
قضا و قدره اينانان چوخدور
دئييرم هر شئی قايدالی ياشيًيار
دينچی قورآنداکی جهلی داشيًيار
755
دئييرلر فيلوزوف ايستر کی، بيله
نييه يارانيًبديًر کی، سونرا اوله؟
گليشميش سئنتئزینی حاکيم قيًلا؟
دئييرم بيليمسل سوز آغلا باتار
گليشمه يه نين عومرو سونا چاتار
756
دئييرلر روحو يارادان جيسيمدير
بو تئزی کشف ائدن فيلوزوف کيمدير؟
او فيلوزوف دوغرو- دوروست حکيمدير
دئييرم بيليمسل دوکتور لازيًمديًر
کل- کوتان يوخ کی، تراکتور لازيًمديًر
757
دئييرلر گرچکی آختاران تاپدی
اونداکی مادده دن هوجئيره ياپدی
روحدان مادده ياپا بيلمه ين ساپدی
دئييرم تئز سببدير آنتی تئزه
کی آنتی تئز شکيل وئره سئنتئزه
758
دئييرلر فيلوزوف گرچکچی اولار
مئيلين ديًشيًنداکی گرچکی بولار
گليشه بيلمه ين گول- چيچک سولار
دئييرم هر تئزين اوز آنتی تئزی
(1) گليشمک اوچون يارادار سئنتئزی
759
دئييرلر دين ايله چاغ کوسولودور
چونکو آنتی قاديًنيًن محصولودور
فئوداليزمين ياشام اوصولودور
دئييرم ظاليًم صينفين آنتی تئزی
(2) عدالت اوچون يارادار سئنتئزی
قورآنداکی ايسلام دينی، فئودال ياپيًلی اخلاقسيًز حاکيم صينفلرين
ايدئولوژولارديًر کی، او ايدئولوژونون تملينده آنتی اينسان و آنتی
قاديًن ايلکه لر دورورلار کی،من او جومله دن "قورآنی تبليغ ائدن
شاعيره وای!" آدلی شئيريمده ايلگيلی آيه لرين نومره لری ايله
سوره لرينی بليرتميشم کی، قورآنداکی ايسلام دينينی اخلاق مکتبی
کيمی سونماغا چاليًشان اخلاقسيًزلار دا ايفشا اولسونلار.
آی فلسفه نين اونمی و تاريخی ايله اخلاقيياتدان دانيًشان جنابلار!
گوره سن آنتی قاديًن مکتبدن ده پيس و اخلاقسيًز مکتب وارمی؟
760
دئييرلر فيلوزوفا بللی اولار
کی نييه آنتی تئز ساواشا دالار
سئنتئزینه واران ساواش سون بولار
دئييرم سومورگه چی- فاشيست مائو
عاديل دئييلدی کی، ائديله ... تابو
761
دئييرلر هر سوزون اينجه ليگی وار
هر وارليًغيًن بللی نئجه ليگی وار
نيته ليگين آلچاق- يوجه ليگی وار (ايستانبول شيوه سی)
دئييرم جاهيل آغيًللانماق ايستر
آنتی تئزين گئتديگی يولو گوستر
762
دئييرلر فيلوزوف باش ايمز جهله
کی آنتی تئز حوکوم سوره "نااهل"ه
سئنتئز نه بورژوواديًر، نه ده فهله
دئييرم چون هامی کوممونيست اولار
دوولت ايله ديکتاتورلوق سون بولار
762 - 2
دئييرلر فئودال ياپيًلی اولکه
ايستر اينکيشافيًن بئلينی بوکه
باغيًمسيًز ائدنين قانيًنی توکه
دئييرم اينکيشافی چيندن اويرن*
فئوداليزمی قورويان دان ايرن.
*- اوز گوجلری ايله ماشيًن قاييًريًب، فابريکا قورماق اوچون
يئترلی اوزه ل سرمايه لری اولمايان اولکه لردن سوز گئدير
کی، تجروبه لردن اويرنمه ديکلری سوره جه يئرلرينده
سايمالی اولاجاقلار. 21.01.2009