۴۰ - آرازيًن شئيرينده نلر ياتيًبديًر؟
آرازيًن شئيرينده نلر ياتيًبديًر؟
کی ساغچی تورک زيبيلليگه آتيًبديًر!
"بوگونه قدر، اوزه لليکله xxاسيرده بوللوجا ايدئولوژی
اثرلر ياراندی، هاميسی زيبيل قابلاريًنا ايندی." گونتای
بيزيم موباريزه ميز ايدئولوژيک موباريزه دئييلدير،
ميللي موباريزه دير. ... بير اولوسون هاقلاري
ايدئولوژيک سورون دئييلدير." گونتای گنجالپ
"فئودالیزمی اورتادان قالدیرماق میللی حرکت ین
آماجی اولمامالی ایدی،
چونکو بونو باشارا بیلمزدی. فئودالیزمی اورتادان
قالدیرما تاریخین (زامانيًن – آراز) وظیفه سیدیر.
یعنی تاریخی ایره لیله ییش سورجینده بورژوازی
مئیدانا چیخدیغیندا فئودالیزم اؤز-اؤزونه تاریخ صحنه-
سیندن گئری چکیلر. ..." گونتای گنجالپ
"پیشه وری تبریزده قالسایدی هئچ ساواش دا اولمایا-
جاقدی بلکه. یعنی تئهران اؤزو هامیدان اؤنجه آذربایجا-
نین حاقلارینی تانییاجاقدی." گونتای گنجالپ
699
دئييرلر نئچه ايدئولوژو وار
بيری جيسيمسيز تانريًنی "وار" سانار
بيری جيسيمين وارليًغيًنی دانار*
(آرازيًن يازديًغی اثری دانار)
دئييرم اينکارچی خالقی آزديًرار
سوزونو هانسی يازارا يازديًرار؟ (فارس جاسوسونا)
*- جورج بئرکئلی
700
دئييرلر نئچه ايدئولوژو وار
بيری آچالدان قورآندان آسيًلار
بيری آلچالدانا قنيًم کسيلر
دئييرم سولچو خالقيًنی اويادار
آزديًران صينف سوزلرینی بويادار
701
دئييرلر نئچه ايدئولوژو وار
بيری خالقيًن يولونا ايشيًق ساچار
بيری گئريچی کولتوره يول آچار
دئييرم هر سيياسی تمثيلچیدير
ازيلن ين تمثيلچیسی سولچودور
702
دئييرلر نئچه ايدئولوژو وار
بيری قاديًن صينفینی تارلا سانار
(بيری اينسان حاقلاريًنی يوخ سانار)
بيری باغيًمسيًزليًق حاققيًمی دانار
دئييرم چاره نی آختاران تاپار
يوخسا اوزگه اوزگه نی چاليًب- چاپار
703
دئييرلر نئچه ايدئولوژو وار
بيری بير گون مال، بيرگون اينسان ساتار
بيری خالقی نيًن هاراييًنا چاتار
دئييرم مال ساتان هر شئيی ساتار
آذربايجانی . . . فارسيستانا قاتار
704
دئييرلر نئچه ايدئولوژو وار
بيری جهلی کنددن شه هردن قووار
بيری جهل يئديرر کی، ائده داوار
دئييرم اويودان تاجيرصينفیدير
اويادان ... کيچيک بورژووا طئيفیدير
705
دئييرلر نئچه ايدئولوژو وار
بيری جهلين زيندانيًندان قورتارار
بيری قويون ائتديگينی اوتارار
دئييرم اويادان گونده رر آيا
اويودان ايستر کی، يئرينده سايا <
706
دئييرلر نئچه ايدئولوژو وار
بيری اوز توتکلرينی چالديًرار
بيری يابانجیًلاردان مال آلديًرار
دئييرم يازقیًنی دوغرو- دوروست ياز
کی توکه تيجی ائتمه يه دله- دوز
هم ده سربست اولا ... قاديًن ايله قيًز
707
دئييرلر نئچه ايدئولوژو وار
بيری چينی ميللی کآما چاتديًرار
بيری مونتاژ ائتديرنه ساتديًرار
دئييرم چين ماشينيزمه قوووشوب
باشقا مئتودلاريًن چاغی سوووشوب
708
دئييرلر نئچه ايدئولوژو وار
بيری باغـيًمسيًز صنايهً قوردورار
بيری ميللی اينکيشافی دوردورا ر*
دئييرم يوردونو ايراندان آييًر
سونرا سن ده آنا فابريکا قاييًر
*-ميللی اينکيشافيًميًزی دوردوران فئودال ياپيًلی دوزه نين
چکديرديگی دردلرين اليندن قورتولماق اوچون يوردوموزو
قانلاری نيًن باهاسيًنا قورتاراجاق شهيدلريميزين اوولادلاری
ايله اولومدن قورتولموش خالقيًنيًميًزی اويادماليًييًق کی، ياز-
قيًسيًنی بيليکلی اولاراق يازا بيلسين:
گئده جگين يولو اونجه دن اويره ن!
يئنيلگييه اوغرادانلاردان ايره ن!
709
دئييرلر نئچه ايدئولوژو وار
بيری تایلاری بير- بيرينه قاتار
بيری سوموک گميرتديرنه ساتار
دئييرم ساتقيًنسيًز ميللت ساتيًلماز
ايچ دوشمنين هاراييًنا چاتيًلماز*
710
*- فئوداليزمين خئيرينه دوووشمه
ميللی کاريًنی ياد ايله بولوشمه
"ياغيًشدان قورتولوب دامجيًيا دوشمه"
سنی تاجير صينفی بو گونه قويوب <
هم يادا ساتيًب، هم جيبينی سويوب
711
دئييرلر نئچه ايدئولوژو وار
بيری يوردونو ايراندان آييًرار
بيری نيفاق سالان بايراق قاييًرار
دئييرم بيليکدير دردين درمانی <
بيليکسيزليکدن ساتدی ايچ دوشمانی
ميللی ايراده ايله ميللی تورپاق (بوتوولوق) پايلاشيًلماز.
712
دئييرلر نئچه ايدئولوژو وار
بيری ايشقالچيًنی يوردوندان قووار
بيری دئير ايسته، وئرمه سه يالوار
دئييرم وئريلمز حاققی آلارلار
وئرمه ين ظاليًمی تاختدان سالارلار
مارکسيزم، ميللی مسله سينی چوزموش کاپيتاليست ياپيًلی اولکه لرين
اينسانجيًللاشديًرما يولودور کی، اينسان اينسانی سومورمه سين.
ميللی مسئله سينی چوزمه ميش ميللتين ايدئولوژوسو ميللی- دئموکرا-
تيک آنلاميًندا ناسيوناليزم اولدوغو اوچون، او ميللتلره دئييرلر کی،
ناسيوناليستی دوشونمه يين کی:
1- بيزيم سومورگه ميز قاليًن کی، وئرگيلرينيزی، سرمايه لرينيزی،
ايش گوجونوزو، طبيعی ثروتلرينيزی چاليًب- چاپا بيلک.
2- بيزيم خاريجی بازاريًميًز قاليًن کی، ...................................
يعنی ناسيوناليستی دوشونمه يين کی، ....................................
يئرينده سايان ميللی اينکيشافيًنيًزيًن، گئريچی اوره تيم مئتودلاريًنيًزيًن،
گئريچی کولتورونوزون توستوسو خالقيًنيًزيًن گوزونه گئتسين کی،
فاييزدن بسلنن تورپاق آغالاری نيًن، سوموک گميرن تاجير صينيفی نين،
و اونلاريًن سيياسی تمثيلچيلری نين ده گميريلن سوموکلری اسکيلمه سين.
713
دئييرلر نئچه ايدئولوژو وار
بيری هرشئیين واختینی آنلايار
بيری واختسيًز خوروز تکين بانلايار
دئييرم اونجه ايستيقلال آليًنار
سونرا گرکن هاوالار چاليًنار.
04.12.2008