۳۶ - دئييرم تئوريزه ائت دئوريمی!
دئييرم تئوريزه ائت دئوريمی!
تئوروسوز هئچ بير قوروم قورولماز
مونولوقچولاردان سورغو سورولماز
673
دئييرلر دويغو گئدر بئينيميزه
دويغونون درکی دوشر بوينوموزا
دويولمايان گلمز اويونوموزا
دئييرم دويغودان آنلام ساغيًلار
آنلامدان حوکم ايله سونوج دوغولار
674
دئييرلر گرچک ذئهنين ديًشيًنداديًر
سانما مئيليندن دوغان آرشيًنداديًر
قبول ائدنين آغلی باشيًنداديًر
(منيمسه يه نين آغلی باشيًنداديًر)
دئييرم ضرورتين يولونو گئت
گرکلی قيًلديًغی دردی درمان ائت
675
دئييرلر اوتای باغيًمسيًز اولکه دير
ايراندا قالميًش بوتايی بولگه دير
فارسيًن اويونونا گلن کولگه دير
دئييرم گرچک يولوموز بللیدير
تایلاری بوتوولشديرن ميللیدير
676
دئييرلر ال چکين دردلی ... تئللیدن
دئموکراسی قوپا بيلمز ميللیدن
اينانماسان گئت سور چنلی بئلچیدن
دئييرم گئريچیدن فاشيست چيًخار
اينقيلابچی- خالقيًن ائوینی ييًخار
677
دئييرلر بيليکسيز بوراخما منی
بيليکسيز تانيًيا بيلمز دوشمنی
سيلاحسيًز قورتارا بيلمز وطنی
دئييرم تئوريزه ائت دئوريمی
سونرا مئيدانا سوروکله ياورومو
678
دئييرلر هر شئی نئجه ليک داشيًيار
هم ده کوراللی، آرديًجيًل ياشيًيار
نئجه کی، بيتلی باشيًنی قاشيًيار
دئييرم دوستو، دوشمنی تانيًديًن!
يوخسا وار اولدوغونوزو اونودون!
20.11.2008