۳۵ - اينسانليًق سولچولوغون اولچوسودور.
اينسانليًق سولچولوغون اولچو سودور.
اينسانليًق صينفی و ميللی سومورونون دوشمنيدير.
ساغچی دويغولانديًرار کی، اوولايا
بيليکلنديرمز کی، سونرا ... توولايا
آراز خانخانليًغيًن کوکونو قازدی،
آراز شووئنيزمين کوکونو قازدی،
تورکون يازا بيلمه ديگينی يازدی.*
*- تنقيد ائده بيلن وارسا بويورسون!
(بيليمسل، دئتايلی و سيسته ملی تنقيددن سوز گئدير.)
661
دئييرلر ساغچيًلار درده دوشوبلر
کی نييه سولچولار جوشوب- داشيًبلار؟
خالقی اويادان ... قوشمالار قوشوبلار؟*
دئييرم يازيًر کی، تنقيد ائده سيز
يوخسا گوسترديگی يولو گئده سيز
*- هم ده بيليمسل، فلسفی، سياسی، حوقوقی، ايقتيصادی، ...
662
دئييرلر عئييب آرايان اولماييًن؛*
دئمک کی، ايشه يارايان اولماييًن
بيتلی ساچلاری دارايان اولماييًن
دئييرم عئييبی نی وور اوزونه
عئييبی نی بيلن گلر اوزونه
*- اولولری اوز حاللاريًنا بوراخيًن کی، کفنلرينی باتيًرسيًنلار.
663
دئييرلر موسليمه ارینی سوير
سويولن موسليم آرواديًنی دوير
بوشاديًغی زامان اوشاقسيًز قويار
دئييرم موسلمان ياپيًجی اولماز
دويوب- سويمکدن باشقا چاره بولماز
664
دئييرلر ايسلام تحقير مکتبیدير
بو سببدن موسلمان عصبیدير
ييًخيًجی ائدن دينی، مذهبیدير
دئييرم موسلمان اوز دوشمانيًديًر
اوزونه گلمک اونون درمانيًديًر
665
دئييرلر موسلمان گلمز اوزونه
اويار خط وئرن دينی نين سوزونه
يالان سويله ير آداميًن گوزونه
دئييرم يالانچی ائدن آللاهديًر
آلله تاجيردی کی، کولگه سی شاهديًر
666 (بويکوتچو گوناز تئوی تکين.)
دئييرلر سانما يالانچی جاهيلدير
گوردويونو دانان اينسان قاتيلدير
يوخو وار سانان دوشونجه باطيلدير
دئييرم هر يالاندا بير هدف وار
سانماييًن کی، يالانچيًدا شرف وار
667
دئييرلر قيًسقانج آدام يالان دئير
کئچيجی قازانج اوچون هر پو... يئير
اوزوندن اوتانان حاققا باش اير
دئييرم ويجدان عذابی چتيندير
ايچ دونيان جهننمين جننتيندير
668
دئييرلر حئيوانيًن اينصافی اولماز
اوزوندن گوجلونون حريفی اولماز
اينصافسيًز آداميًن شرفی اولماز
دئييرم شرفلی ائدن اينصافديًر
اينصافسيًزيًن سوزو ايچی- بوش لافديًر
669
دئييرلر سوچلو آدام چاميًر آتار
چاميًر آتان اينسانليًغيًنی ساتار
سانماييًن کی، اينصافسيًز کاما چاتار
دئييرم حاقلی حاققيًنا يئتيشر
حاقليًيا وورولان يارا بيتيشر
670
دئييرلر اوزگه يه قويو قازماييًن
روتبه اوچون يولونوزدان آزماييًن
خالقيًن اخلاقيياتيًنی پوزماييًن
دئييرم اينسانليًغی قورويان وار
سوواريًلمايان يئرده قورويان وار
671 *- 470- جی بنده باخيًن!
دئييرلر شاه چيًيدی ساغچی ... مداری*
حالبوکی سولچويدو تورکون ليئدری:
پيشه وری سی، عموغلو حئيدری
(مشروطييته خط وئرن حئيدری)
دئييرم هم ساغچی تورک، هم روس، هم فارس
بيرلشيب- دئديلر سولچو تورکو آس! (1946- جی ایل)
672
دئييرلر تورکو ساغچی تورک آزديًردی
روسيا قازديًران قبيری قازديًردی
سولچو تورک يازان يازقيًنی پوزدوردو <<<
دئييرم گرچک تورکچو سولچوموزدور
چونکو اينسانليًق بيزيم اولچوموزدور.
ساغچی دويغولانديًرار کی، اوولايا،
بيليکلنديرمز کی، سونرا ... توولايا.
اينانماسانيًز ... موصطافا کامالدان، ... ميرزه فتحعلیدن،
محممداميندن، اوزئييردن، ميرزه جليلدن، صابيردن، موجوزلر
ايله بوگونکو بنزرلری سولچولاردان سورونوز!
تورکون بو گونه دک سولچودان باشقا "قوناق قاباغيًنا
قويولاجاق" ايدئولوقو و ليدئری اولماميًش.
09.11.2008