۳۳ - هر صينفين پروقرامی اولماليًديًر.
هر صينفين پروقرامی اولماليًديًر.
(هر صينيفی او صينيفين آيديًن کسيمی تمثيل ائدر.)
تجروبه دن ده سوسان بويله دئير:
هر کس آغلی نيًن چوره گينی يئير.
642
آی نئچه صينيفلی خالق ايله ميللت
ايستيقلالدان سونرا قورولان دوولت
پلانسيًز صينيفلره وئرمز فورصت
صينفی صينيفلشديرمک چوخ زور ايشدير
پلانسيًز صينيفلرين ايشی ياشديًر
643
هر صيفين پروگرامی اولماليًديًر
صينفی دردینه چاره بولماليًديًر
ياساللاشديًرماغا حاقق آلماليًديًر
آنا ياسادا يازيًلمايان حاققا
حاق وئريلمز کی، گله بيله نيطقه
644 (مندن دئمک، سيزدن ...)
هر صينفين آيری صفی اولماليًديًر
هر صينف اوز پارتيًسيًنی بولماليًديًر
هر صينف صينفی ساواشا دالماليًديًر
صينفيلری آييًرد ائدن پارتی ديًر*
يوخسا دوشمنی گيزلدن اورتودور**
*- ايشچی پارتيًسی، اکينچی پارتيًسی، کيچيک بورژووازی پارتيًسی،
بورژووازی پارتيًسی، مللاک پارتيًسی، خالق جبهه سی، ميللی جبهه.
**- او جومله دن دئموکرات، جمهوريت، قورتولوش، ايستيقلال، آنا وطن،
و بنزرلری کيمی آلداديًجی آدلاری قوللانان پارتيًلار(اورتولر).
645
ميللی دوولت ساتقيًن صينفی ياشادماز
ايستيقلالچی نيًن اونونه داش آتماز
صنايئچی نين جيبينی بوشالتماز
ميللی صينف ايشچی ايله اکينچیدير
بايات بورژووازی دئييل، گنجیدير
646
ميللی اينکيشاف قويار هدفلری
بليردر اينکيشافچی صينيفلری
اينکيشاف بيرلشديرر او صفلری
کومپرادور ايله مونتاژچی دوولت
ميللی اينکيشافا ائتمزلر خيدمت
647
ميللی دوولت دئموکرات اولماليًديًر
فئوداليزمی تاختدان سالماليًديًر
باغيًمسيًز ائدن يوللاربولماليًديًر
باغيًمسيًز ... آنا فابريکا قوردورار
مونتاژچی ائدن سيسته می دوردورار
648
دئموکراسی باغيًمسيًز ائدر صينفی،
کی صينفی خئيرینه چالديًرا دفی،
(کی ميللی خئيرینه چالديًرا دفی،)
آيريًلا دوز ايله ايری نين صفی.
دئموکراسی داورانيًش سيسته میدير،
دردی "عمی دردی دئييل، زمیدير"
18.05.2080
- هر ايقتيصادی سيسته مين بللی مضمونو و شکلی اولار. هر ايقتيصادی سيسته مين مضمونو اوره تيم گوجلريندن عيبارتدیر. هر ايقتيصادی سيسته مين مضمونونو اولوشدوران اوره تيم گوجلری ده جانلی ايش گوجو ايله ايش گوجونون ياراتديًغی و گليشديرديگی جانسيًز اوره تيم آراجلاری نيًن بوتوولوگوندن اولوشان گوجدن عيبارتدير. هر ايقتيصادی سيسته مين مضمونونو اولوشدوران اوره تيم گوجلری گليشديکجه، اوره تيم مئتودلاريًنی دا دييشديرر.اوره تيمه شکيل وئرن مولکييت شکليدير. اوره تيمه شکيل وئرن مولکييت شکلی نين نيته ليگينی ده ماليکين صينفی ماهييتی بللی ائدر. (ماهييت دييشمز شوبهن اولماسيًن) اوره تيم گوجلری نين گرکديرديگی اوره تيم مئتودلاری نيًن دييشمه سينه انگل اولان ماليک دئوريلر. يعنی مولکييت شکلی دييشر. (اربابيًن يئرينه ال قويان رعييت ماليک اولار کی، وئرمه ديگی اييه ليک پايی نيًن يارديًمی ايله اوره تيم گوجلرينی و دولاييًسی ايله اوره تيم مئتودلاريًنی دييشديريب- گليشديرسين.)
- مولکييت شکلی هم اوره تيم مئتودلاريًن، هم ده اينسانی حوقوقلار ايله يونه تيم مئتودلاريًن دييشمه سينه، يا دا دئييشمه مه سينه سبب اولار. دره بگليگين مولکييت شکليندن دوغان ايدئولوژونون دا بللی مضمونو ايله شکلی وارديًر. دره بگليک ايدئولوژوسونون مضمونو او جومله دن قورآنداکی ديرلرديلرکی، اينسان حاقلاريًنا ترس اولدوقلاری اوچون آنتی اينسانی ديرلر ساييًليًرلار. دره بگليک ايدئولوژوسونون شکلی او جومله دن قورآنداکی مونولوقچولوق، تک سسليليک، اوزباشيًناليًق، سانسورچولوق، بويکوتچولوق (دئییلمی تورک سیته لری؟) کيمی يونه تي مئتودلاريًديًرلار.
- بوتووچو آذربايجانيًميًزيًن ميللی- دئموکراتيک اينقيلابی نيًن دئموکراتيک اولماسيًنا گلينجه،
۱- دره بگچی ديرلره (مضمونا) شکيل وئرن دره بگچی يونه تيم مئتودلارا (يونتملره) سون قويماق گرکير.
۲- دره بگچی ديرلره آنتی اينسانی اولدوقلاری اوچون سون قويماق گرکير. مثلا قاديًنيًن دوشونسل و قول گوجونو ايستيقلال اوچون قورتاران فئمينيزم ميللی حرکتيميزين آماجلاريًندان دئييلدير دئيه نين آغزيًنا وورماق گرکير.
۳- مضمونو و يونه تيم مئتودلاری دره بگچی (ايرتيجاچی) اولان ايدئولوژونو دوغوران مولکييت شکلی نين کوکونو قازماق گرکير.