۳۲ - دينسل اينامی کوله چی قوللانار.

دينسل اينامی کوله چی قوللانار.

دينچی بيلمز کی، قافادان خسته دیر،

(ايرتيجاچی بالتالارا دسته دير،)

بيلسه آنلار کی، دآوآ نه اوسته دير.

635

دينسل اينام جهليندن آسيًليًديًر

قورآن دينسل اينانجيًن محصولودور

فئوداليزمين ياشام اوصولودور

دينسل اينامی کوله چی قوللانار

جهلی قوللانان آغيًللی پوللانار

636

دينسل اينام جهلینی بيلگی سانار

بو سببدن جاهيلی ذکی سانار

قاديًنی بير، ائرککی ايکی سانار

بيليمسل اينام  جهلینی قيًنايار

دوشمنينی يوخ، دوستونو سيًنايار

637

دينسل اينام سوزجوکلری اريدر

اونلاردان ايچی- بوش وارليًق يارادار

بيليم اونجه سی چاغلاری آرادار

دينسل ايناميًن ياراتديًغی ملک

ايچی- بوش سوزدور کی، دوغماييًب فلک.

638   *- (21: 23)، (6: 115)

دينسل اينام تارتيًشيًلماز قونودور

مونولوق گئتديگی يولون سونودور

دئييشيلن اوزو دئييل، دونودور

دينسل اينام ندنلره دوشونمز

الشديريچی ماسايا داشيًنماز*

639

دينسل اينام دئير آللاها اينان

آللاهی نيًن کولگه سی شاها اينان

بليرتديگی "حاقق"ا، "گوناه"ا اينان

بيليمسل اينام دئير سوزوم چوخدور

قاديًن ايله ائرکک ين فرقی يوخدور

640

دينسل اينام دئيرآلله عاليمدير

آيه سینی ايبطال ائدن ظاليًمديًر

آللاهيًن يولونو گئدن ساليمدير

بيليمسل اينام دئير جهله اويما!

يازديًغيًن اوز يازقيًنی سسه قويما!

641

دينسل اينام توتدوغونو بوراخماز

چونکو جاهيل جهلين ائوینی ييًخماز

سببینی بيلمه ين قارشی چيًخماز  <

بيليمسل اينام بيليم محصولودور

دييشديرن گليشديرن سولودور.

18.06.2008