۲۳ - توپلوم ماليک اولسا، کيم ضرر ائدر؟
توپلوم ماليک اولسا، کيم ضرر ائدر؟
452 ائل گوجو، سئل گوجو.
توپلوم ماليک اولسا سرمايه لره
قازانجيًيلا ال تاپار قايه لره
يعنی بنزه مز کيچيک اييه لره
توپلوم ماليک اولسا کيم ضرر ائدر؟
453
توپلوم ماليک اولسا يازيًق آغالار
زنجيره لی تراکتورلار چوخالار
ايش گوجو گليشر، قاريًن توخالار
توپلوم ماليک اولسا کيم ضرر ائدر؟
454
توپلوم ماليک اولسا کند ده دييشر
شه هره دونوشمک اوچون گليشر
چوخ آز موددتده هدفه ايريشر
توپلوم ماليک اولسا کيم ضرر ائدر؟
455
توپلوم ماليک اولسا کنده، شه هره
فرق قويماز کندی ايله اه هره
اولاناقلی ياشام دونمز زه هره
توپلوم ماليک اولسا کيم ضرر ائدر؟
456
توپلوم ماليک اولسا محصول بول اولار
داشيًنماسی اوچون دمير يول اولار
اوزل مولکييتين يولو چال اولار
توپلوم ماليک اولسا کيم ضرر ائدر؟
457
توپلوم ماليک اولسا اکين يئرینه
ايشچی صاحيب چيًخار آليًن ترینه
(تارلا دئييل کی، کار وئره ارینه)
توپلوم ماليک اولسا کيم ضرر ائدر؟
458 *- نارکوتيک تاجيرينه
توپلوم ماليک اولسا ايشدن آتيًلماز.
ايشسيزليکدن قاچاقچيًيا ساتيًلماز،*
اوروسبو سورولرینه قاتيًلماز.
توپلوم ماليک اولسا کيم ضرر ائدر؟
459
توپلوم ماليک اولسا محصول بول اولار
آز قازانجلی پاترون ايشچيسيز قالار
ايشچيسيز پاترون کومموندا ايش بولار
توپلوم ماليک اولسا کيم ضرر ائدر؟
460
توپلوم ماليک اولسا کيره لی ائوه
ائوسيزينه ائو وئررسئوه - سئوه
ائوين ييًپرانماسی آلديًرار کيره
توپلوم ماليک اولسا کيم ضرر ائدر؟
461
توپلوم ماليک اولسا اولکه گليشر
رقابت بازارلاريًندا ... ياريًشار
کيم سئوينر؟ کيم اود توتوب- آليًشار؟
توپلوم ماليک اولسا کيم ضرر ائدر؟
30.09.2005