۲۲ - دوولتين فورماسی نه اولماليًديًر؟
دوولتين فورماسی نه اولماليًديًر؟
442
ايستيقلال آليًنان گونون سونراسی
نه اولمالیًديًر رئژيمين فورماسی؟
هانسی فورمادان يانا دئموکراسی؟*
رئژيمين فورماسی نه اولمالیًديًر؟
*- کاپيتاليزمين دموکراسيًسی ايش گوجوندن قازانيًلميًش سرمايه لرين
کوللئکتيولشمه سيندن يانا رئفئراندوما سربستليک حاققی وئررمی؟
443
تاجيرين صينيفسل دينی ايسلامدیًر،
قوربانی خالقيًن ياريًسی مادامدیًر،
دوشونمک حاققيًندان يوخسون آدامدیًر.
دوولتين فورماسی نه اولمالیًديًر؟
444
يئنی مضمون يئنی فورما ديله ير
هئچ بير رئفورم ياغا بيلمز، چيله ير
آليًشديًرماق اوچون اودو پيله ير
مضمونون فورماسی نه اولمالیًديًر؟
445
کهنه فورما اينکيشافی دوردورار
فئودال ياپيًلی رئژيم قوردورار
آسيميله ائتمک اوچون بوردورار
رئژيمين فورماسی نه اولمالیًديًر؟
446
کوللئکتيوچيليک ده بير نوو فورمادی
سن بيلدير توپلوما، بلکه قورمادی
دئمه يه کی، نييه مندن سورمادی؟
دوولتين فورماسی نه اولمالیًديًر؟
447
کوللئکتيو دوزنده ايشله ين يئير
چونکو مولکييت سوسيال دونو گئير
"صينفی سومورويه سون وئرين!" دئير
دوولتين فورماسی نه اولمالیًديًر؟
448
گرچک سوسياليزم حاقدان آسيًلیًدیًر
ثروت فهله صينفی نيًن محصولودور
گئری قايتارماق اونون اوصولودور
دوولتين فورماسی نه اولمالیًديًر؟
449
گرچک سوسياليزم حاق وئرمز سوموره
اييه ليک پايی وئريلمز "امير"ه
قانون پوزان روشوت آلار، گميره
دوولتين فورماسی نه اولمالیًديًر؟
450 *- اينسانليًغی اينسانلارا قايتارار
گرچک سوسياليزم مظلومو قورتارار
مولکييتی توپلومونا قايتارار*
اوره ته بيلمه ين ... داوار اوتارار
دوولتين فورماسی نه اولمالیًديًر؟
451
ضرورت بليردر دوغرو هدفی
قويماز هدف بليرده فردين کئفی
هدف بيرلشديرر صينف ايله صفی
يئنی مضمون يئنی فورما ديله ير
گليشديرن صينفی حاکيم ائيله ير.
يازقی يازان مولکييتين شکليدير
پيس شکيل وئرن قولاغی توکلودور.
20.09.2005