۲۱ - چاغداش تورک دئموکراسی عاشيقيدير.
چاغداش تورک دئموکراسی عاشيقيدير.
428
دئموکراسی حوکومت فورماسیًديًر
اوره ديچی توپلومون قايداسیًديًر
ياخشی اولدوغو اونون فايداسیًديًر
چاغداش تورک دئموکراسی عاشيقیدير
429
دئموکراسی چاغداشليًغيًن دينیدير
فيکير اوره دنلر اونون بئينیدير
بئينی تکين هر شئيی ده يئنیدير
چاغداش تورک دئموکراسی عاشيقیدير
430
دئموکراسی ساغلام اوست ياپی ياپار
هر شئی اوز قايدا- قانونونو تاپار
دئير ايشله، ايشلت، کاريًنی آپار
چاغداش تورک دئموکراسی عاشيقیدير
431
دئموکراسی دئير سربستجه دوشون
اوره ديچی يئتشديرمکدير ايشين
دوشونون کی، اوره دين، يازيًن، قوشون
چاغداش تورک دئموکراسی عاشيقیدير
432
دئموکراسی اوزگورلوک حاققی وئرر
دوشـونجه نين الينه چاققی وئرر
تحقيره يوخ، تنقيده يئتقی وئرر
چاغداش تورک دئموکراسی عاشيقیدير
433
دئموکراسی حاق تانيًيار اوره يه
عئينی حاقلاری وئرر هر بيرئیه
فرق قويماز قاديًن ايله ائرکه يه
چاغداش تورک دئموکراسی عاشيقیدير
434
دئموکراسی قويماز کئفینه ديه
آزيًنليًغا حاق وئرر سوزون دئيه
چوخونولوغون حوکومونه باش ايه
چاغداش تورک دئموکراسی عاشيقیدير
دئموکراسی نيًن قايدا- قانونلاری کئفه حاق تانيًماز کی،
کئفی ايسته سه، کئفينه توخونا.
435
دئموکراسی اعتيراض حاققی وئرر
دويمه گه چنه- بوغاز حاققی وئرر
ساغلام فورمادا لوغاز حاققی وئرر
چاغداش تورک دئموکراسی عاشيقیدير
436
دئموکراسی هر قوروما حاق وئرر
چاميًر آتمايان يوروما حاق وئرر
قوروم يارادان دوروما حاق وئرر
چاغداش تورک دئموکراسی عاشيقیدير
437
دئموکراسی گوسته ری حاققی وئرر
خالقی اويادان حاققی قايغی وئرر
دوولته قارشی چيًخان خالقی وئرر
چاغداش تورک دئموکراسی عاشيقیدير
438
دئموکراسی حاق وئرر هر گيرئوه
دوولته حاق وئرمز کی، گيره ائوه
پاترونا دئير کی، راضی ائت سئوه
چاغداش تورک دئموکراسی عاشيقیدير
439
دئموکراسی اعدام حاققی وئرمه ييب
ايشکنجه يه ياشام حاققی وئرمه ييب
سياسی اوچون دام حاققی وئرمه ييب
چاغداش تورک دئموکراسی عاشيقیدير
440
دئموکراسی آغيًليًن محصولودور
مدنیلشمه گين ايلکين يولودور
ديسيبليندن يانا صينفين قولودور
چاغداش تورک دئموکراسی عاشيقیدير
441
لاييک دوولت بو ندنله ساپيًلماز
آنا ياساسی دينچييه قاپيًلماز
چونکو دينسل ايلکه اوندا تاپيًلماز <<<
چاغداش تورک لاييکليگين عاشيقیدير.
18.09.2005