۲۰ - سن دئدين: "من مشروعه ايسته ميرم."

سن دئدين: "من مشروعه ايسته ميرم."

420

آی ايستيبدادا قارشی ساواشان تورک

مشروطه حاققی آليًب پايلاشان تورک

مشروعه يه قارشی جوشوب- داشان تورک

سن دئدين: "من مشروعه ايسته ميرم."

421

آی تورک سويلو قاديًنی قورتاران تورک

قويون ائدن ايسلامی اوتاران تورک

يئری اکيب- بيچه نه قايتاران تورک

سن دئدين: "من مشروعه ايسته ميرم."

422

آی ايستيقلال اوچون شاهی قووان تورک

تورک دوشمنی نين بورنونو اووان تورک

مشروعه سی توتدو سنه ديوان تورک

سن دئدين: "من مشروعه ايسته ميرم."

423    (حزب الاللالله فارس مالیًدی)

آی منی دئموکرات يئتيشديرن تورک

ياراميًزی ساريًب- بيتيشديرن تورک

(ايستيقلاليًميًزی گئجيکديرن تورک)

گئنه دهً من مشروعه ايسته ميرم.

424

سن مشروطه پوزان فارس دئييلسن تورک

دينچی عربه زاپاس دئييلسن تورک

دميری چورودن پاس دئييلسن تورک

گئنه دهً من مشروعه ايسته ميرم.

425

سن سيياستده دينچی دئييلسن تورک

درسسيز، عيبرتسيز گنجی دئييلسن تورک

قيًزيًليًسان بورونجو دئييلسن تورک

گئنه دهً من مشروعه ايسته ميرم.

426    *- حئيدر عموغلو

سنی ستتارخان دئموکرات ائديب تورک

ستتار عموغلونون يولون گئديب تورک*

پيشه وری هارايیًنا يئتيب تورک

گئنه دهً من مشروعه ايسته ميرم.

427

سن آتا- باباميًن فريادیًسان تورک

اونلاريًن گليشميش اوولادیًسان تورک

اوولادی نيًن درسی، اوستادیًسان تورک

گئنه دهً من مشروعه ايسته ميرم.

20.09.2005