۱۴ - موللانيًن تحصيلی فايدالی دئييل.

موللانيًن تحصيلی فايدالی دئييل.

346 *- دئييلمی ثيقتوالايسلام ...؟

موهنديسين اورونو ... تراکتوردور

تراکتورچونو ساغالدان دوکتوردور

سيياستچی يازقی يازان آکتوردور

موللانيًن يازديًغی يازقی قول ائدر*

قول مانقورتون گئتديگی يولو گئدر

347 *- سوره 18، آيه 74، 80.

موللا تحصيل ائديب کی، کوله ائده

کوله ائدنلرين يولونو گئده

باش قالديًرانلاری حزب الالله ديده*

موللانيًن تحصيلی فايدالی دئييل

348 *- سوره 3، آيه 14.

موللا تحصيل ائديب ائرککدن يانا

حووانيًن آدام اولدوغونو دانا*

آدامليًق حاققی وئرمه يه بايانا

موللانيًن تحصيلی فايدالی دئييل

349  *- سوره 4، آيه 14

موللا تحصيل ائديب گوناه يارادا

قاديًنی قورخودان آلله يارادا*

دورد آرواد آلماغا تاماح يارادا

موللانيًن تحصيلی فايدالی دئييل

350   *- سوره 24، آيه 31

موللا تحصيل ائديب لچکلشديره

مئييل اولدورمگی گرچکلشديره*

اورتوسوز ائرککی گويچکلشديره

موللانيًن تحصيلی فايدالی دئييل

351   *- سوره 65، آيه 6

موللا تحصيل ائديب حاقلاری دانا

قاريًنی قوجاسيًنا ... تارلا سانا

کی طالاق ايله اوشاق حاققی يانا*

موللانيًن تحصيلی فايدالی دئييل

352  *- سوره 4، آيه 11، 12، 176

موللا تحصيل ائديب آيريًليًق سالا

قيًزا بير، اوغلانا ايکی پای آلا*

آتانيًن آرزوسو گوزونده قالا

موللانيًن تحصيلی فايدالی دئييل

353   *- سوره 2، آيه 228

موللا تحصيل ائديب آرزی ائتمه يه

راضی دئييلسه ده، راضی ائتمه يه

قورآن يوخ دئميشسه قاضی ائتمه يه*

موللانيًن تحصيلی فايدالی دئييل

354  *- سوره 9، آيه 111

موللا تحصيل ائديب کی، خومس آليًنا

اوردوسوندان قالان عرب آليًنا    (قورئيش قبيله سی)

کی فيتوا وئرسه دوشه لر داليًنا*

موللانيًن تحصيلی فايدالی دئييل

355  *- سوره 43، آيه 32

موللا تحصيل ائديب کی، فيتوا وئره

دوشونن بئيينلری گومه يئره

قوللوق ائده ... تاجيره، خانا، اره*

موللانيًن تحصيلی فايدالی دئييل

356  *- سوره 4،آيه14

موللا تحصيل ائديب قورخودا بيله

دئيه دوزخچیدن ايطاعت ائيله*

قانون قويماق حاققی وئرمه ييب ائله  <

موللانيًن تحصيلی فايدالی دئييل

357  *- سوره 18، آيه 27

موللا تحصيل ائديب آزديًرا بيله

دينسل آنا ياسا يازديًرا بيله*

چاغداشليًغيًن کوکون قازديًرا بيله

موللانيًن تحصيلی فايدالی دئييل

358  *- سوره 3، آيه 20

موللا تحصيل ائديب کی، اولچه- بيچه

قورآنا اويقون قانونلاری سئچه*

چاغداش قانونلاريًن اوستوندن کئچه

موللانيًن تحصيلی فايدالی دئييل

359  *- سوره 16، آيه 71، 75

موللا تحصيل ائديب کی، رهبر اولا

دئوريملری يونه لده ايری يولا

اربابلاريًن دردینه چاره بولا*

موللانيًن تحصيلی فايدالی دئييل

360

موللا تحصيل ائديب کی، دوشونمه يه

پيس عمللی اوزوندن اوشنمه يه

ويجدان عذابی ايله ائشينمه يه

موللانيًن تحصيلـی فايدالی دئييل

361

طهارت "گرکديردی" موللا اولا

کی دئيه نئچه بند ايچری يوللا

تميزليک چاغيًندا گرکمز موللا

موللانيًن تحصيلی فايدالی دئييل.

16.09.2005