۱۳ - اويان آذربايجانيًم، گئج قاليًبسان.
اويان آذربايجانيًم، گئج قاليًبسان.
339
لئنين ايستيقلاليًميًزی چوکدوردو
بابالاريًمی اولدوردو، کوچدوردو
کيم لئنين ين هئيکلینی تيکديردی؟
اويان آذربايجانيًم، گئج قاليًبسان.
340
عرب دينی يوردومو ايشقال ائتدی
رضانی وآلییهً او ماحال ائتدی
کيم ايشقالچيًنی موقددس مال ائتدی؟
اويان آذربايجانيًم، گئج قاليًبسان.
341 (حئيدر علييئو)
روس اوتايی سومورگه بولگه ائتدی
قوللوقچوسو حئيدری سونگو ائتدی*
کيم ايستيقلالدان سونرا "اولگو" ائتدی؟
اويان آذربايجانيًم، گئج قاليًبسان.
*-1) شئريم اولاجاقديًر ايتی سونگولر
سينه می سنگره وئرديگيم زامان
او گون جبهه ده کی هر قيًزيًل عسکر
سسله يه جک منی – "يولداش کوماندان!"
*-2) دئييرلر بو ايلين محصولو چوخدور؛
او گوردوگون کندده ديلنچی يوخدور
اليميز ايشده دير، گوزوموز توخدور.
بو خبر اولکه مين ظفر سسيدير،
بو شانلی بايراميًن هدييه سيدير. (اکتوبر اينقيلابی نيًن ...)
(يازقيًسيًنی سومورگه چی روس يازان) صمد وورغون
بير آز ريفاه وئردی يوردونو چاپا،
گليشديرمه دی کی، ايستيقلال تاپا. بالتاجی آراز
(پامبيًغيًميًز بول اولاجاق، آنا فابريکاميًز اولماياجاق.)
342
قاديًنا حاق وئرمه ين ايسلام دينی
قيًنادی او حاققی وئرن لئنينی
کيملئنينه دئيير قاديًن دوشمنی؟
اويان آذربايجانيًم، گئج قاليًبسان.
343
علی دئدی "ايشلمه، پای آل يئرن،"
"آللاهی دا راضی ائدر پای وئرن."
کيم بو ظاليًما دئير "عاديل" اره ن؟
اويان آذربايجانيًم، گئج قاليًبسان.
344
ايسلام حاققی آليًب وئريب ظاليمه
اويره تديکلری ترس دوشور بيليمه
کيم موللالاری بنزه دير عاليمه؟
اويان آذربايجانيًم، گئج قاليًبسان.
345
گئریچیليک ايسلاميًن کوکونده دیر
آنلامايانيًن ضعفی درکينده دیر*
کيمين يئری قويونون ترکينده دیر؟
اويان آذربايجانيًم، گئج قاليًبسان.
*- قانمازا قانديًرماق اولماز.
22.09.2005