۱۲ - دين حاق وئرمه ميشسه موللا نئيله سين؟

دين حاق وئرمه ميشسه موللا نئيله سين؟

328  *- سوره 5، آيه 33.

دين دئير قورآن يازديًران آللاهدیًر

آللاهدان تنقيد ائيله مک گوناهدیًر

دينسيزين قانی موسليمه موباحدیًر*

دين حاق وئرمه ميشسه موللا نئيله سين؟

329     *- سوره 4، آيه 34.

قورآن ائديب قاديًنی ائرککه قول

دئييب يانماق ايستمه سن گئت قول اول*

بو حاقدا آيه لری وارديًر بول- بول

دين حاق وئرمه ميشسه موللا نئيله سين؟

330     *- سوره 65، آيه 6.

دين قاديًنا طالاق حاققی وئرمه ييب

آنالارا اوشاق حاققی وئرمه ييب*

قاديًنا دورد "ياتاق" حاققی وئرمه ييب

دين حاق وئرمه ميشسه موللا نئيله سين؟

331     *- (2: 223) **- (24: 2)

دين دورد آرواد حاققی وئريب ارینه

آروادی بنزديب ... اکين يئرینه*

دئييب داشلات باخسا باشقا بيرینه**

دين حاق وئرمه ميشسه موللا نئيله سين؟

332   *- سوره 23، آيه 6. و ...

دين دئييب اونجه اوزونو داماد ائت!

سئومه سن بولدوغون اره آرواد ائت!

بو شرط ايله قاراواشی آزاد ائت!*

دين حاق وئرمه ميشسه موللا نئيله سين؟

333  *- سوره 4،آيه24.

دين تجاووز حاققی وئريب موسليمه*

کی ارینی راضی ائده تسليمه

يازيًق اسير دوشن "کافير" نسلیمه

دين حاق وئرمه ميشسه موللا نئيله سين؟

334  *- سوره 2، آيه 282.

دين حاق وئرمه ييب قاديًن شاهيد اولا*

قوللوقچو ائديب کی، ... موجاهيد اولا

اورتاق ائتمه ييب ائرکک واحيد اولا*

دين حاق وئرمه ميشسه موللا نئيله سين؟

335  *- سوره 6، آيه 115.

دين بير قاديًن اوچون دورد بی وئرمه ييب

قارداش قدر باجيًيا پای وئرمه ييب

سسینه سس هاييًنا های وئرمه ييب*

دين حاق وئرمه ميشسه موللا نئيله سين؟

336  *- سوره 4، آيه 3.

دين حاق وئرمه ييب قاديًن قاضی اولا

حاق وئريب کی، ارینه ... درزی اولا

دورد آرواد آلماغيًنا راضی اولا*

دين حاق وئرمه ميشسه موللا نئيله سين؟

337     *- سوره 4، آيه 14.

قورآن قانون قويماق حاققی وئرمه ييب*

سويولانا سويماق حاققی وئرمه ييب

اری قدر دويماق حاققی وئرمه ييب

دين حاق وئرمه ميشسه موللا نئيله سين؟

338    *- سوره 21،آيه23.

ائرکک يازديًقلاريًنی پوزماليًدیًر*

قاديًن حاقلاری حاقدا يازمالیدیًر

دينين کوکونو قاديًن قازماليًدیًر

يوخسا دردين چاره سینی سويله سين!

23.03.2005