۹ - فئوداليزمه سون!
فئوداليزمه سون!
290
ارباب فاييز آليًر، تاجير جيب کسير
خاليًچی فهله يه چاتماييًر ... حصير
بايراق سوموروچو صينف اوچون اسير
باش قالديًرسام عسکر آليًر جانيًمی
اوغولو ائديرلر ... آتا قنيمی
291
ايش گوجو (1) حاکيم صينفه ثروت اولور
(2) دوولت قوردورانا بوروکرات اولور
(3) دوولتينی قورويان سولدات اولور
دوولت دئيير ايشله اربابيًن يئسين
اوردو اولدورور کی، "باش اوسته" دئسين
292
هامی اوغوللار بوروکرات دئييللر
گئريچی حاکيم صينفه آت دئييللر
بورژووا- مللاک لارا ايت دئييللر
خالقيًنا قوللوق ائدن اوغوللاری
اولدورورلر کی، آرتا نوغوللاری <
293
تاجير اوغلو اوخوسا دا ايشلتمز
فيکير ايله قول گوجونو توکتمز
قوربانليًق اوچون اوزونو کوکتمز
حوکوم سورمک اوچون خالقی قوللانار
اوجوز آلار، باها ساتار، پوللانار
294
خالقيًن اوغلو يوخسوللوقدان ساتيًليًر
آتاسی نيًن دوشمنيًنه قاتيًليًر
سيلاحلی الی گوناها باتيًليًر
آتا ثروت ياراديًر، بالا گوناه
کی کئف چکه تاجير، بی، خان، ظلل الالله
295 عيللت =سبب =ندن
يوخسول ائدن سوموروچو ميللتدی
سوموروچو ائيله ين مولکييتدی
مولکييتين فورماسی سون عيللتدی
توپلوم ماليک اولسا ... يئره، اوکوزه
محصول بولونمز اوجرته، فاييزه
296
سيياستين "کبين"ی کسيلیدیر
مولکييتين شکليندن آسيًلیًدیًر
شکيل وئرن ماليکين تحصيلیدیر
فئودال کندی مئکانيزه ائتمز
تاجيرصينفی دئموکراتيزه ائتمز
297
پيشه ور جهرنی ماشيًن ائيله ير
کد ده مئکانيزه اولماق ديله ير
اينقيلابچی دوغوزدورار بله ير
ماشيًنيزم هر بير شئيی گليشديرر
مولکييتين شکلينی دييشديرر
298
فئوداليزم کدده سون بولماليًدیًر
يئر اکيب- بيچن صينفين اولماليًدیًر
اکينچی اته- قانا دولماليًدیًر
قورتولموش يئرين کاری کدده قالار
شه هردن ماشيًن آلار ايشه سالار
299
رئفورم هئچ بير شئيی گليشديرمه دی
ياشيًل اينقيلابی دييشديرمه دی
سببینی کيمسه الشديرمه دی
سيياستی سيياستله آنلاتدی
کيچيک مال اوره دن صينفی دانلاتدی
300 منقول ~هرجايی سرمايه
تيجاری سرمايه فابريکا قورماز*
گئری قالماغيًن سببينی سورماز
ميللی اينکيشافيًن داليًندا دورماز
اوجوز آلديًغی مالی باها ساتار
اتینی يئير، سوموگونو آتار
301 *- اوتانديًريًجی مسلک و صنت.
فئودال تکين تاجير ده زاليًدیًر
بو چاغدان تاريخسل بير دوور داليًدیًر
او دوورون ياخشی محصولو خاليًدیًر* <
يازيًق خالقيًم درد اليندن ائشينير
آلتیًدا بيری خاليًدان کئچينير
"گئجه لر ياتماييًب- توخويوب سنی"
"بارماقلار قانيًديًر بوياييًب سنی" صمد چولچو
302
تاجير صينفی اوزونه خئييرليدير
ميلی اينکيشافيًنا ضررليدير
اينکيشاف ائتديرن صينف ديرليدير
دوولت تاجير اولسا چاره نی بولار
دوولتين قازانجی فابريکا اولار
303
مانو فاکتور فابريکا اولماليًدیًر
صنايی بوشلوغو دا دولماليًدیًر
بو ايشه دوولت چاره بولماليًدیًر
تاجير اوجوز مال ساتاندان مال آلار
پيشه ورين مالی الينده قالار <
(اکينچی نين مالی الينده قالار)
304 *- ساغچی تورک کورتاژ ائدر.
چين دوولتی ده سومورور خالقيًنی
گليشديرير ميللی اينکيشافيًنی
هم ده دويورور خالقی نيًن قارنيًنی
تورک چينلی اوره دنی مونتاژ ائدير
چونکو تورک دئوريمينی کورتاژ ائدير*
305
تاجيرين ضرری خئيريندن چوخدور
من ثوبوت ائتديم کی، هئچ خئيری يوخدور
حاق سوز گئريچی صينفه ده ين اوخدور
پيشه ور بورژووا اولمادان اونجه
ياد مالی ساتان تاجير ساتار منجه
306 *- دئمه يين دئمه ديلر.
ساتقيًن صينف کوله ليک توخومو اکير
چاليًشان بئيينين آغزيًنی تيکير
ايضاحی سونوجلانديًرماق گرکير
ساواش مئيدانلاريًنی بوشالتمازلار
ضررلی سرمايه نی ياشادمازلار* <
307
آنارشيستين يئری وحشی خانادی
قانونا اويدوران ... آتا- آنادی
بورژووا صينفی قانوندان يانادی
تيجاری سرمايه قانونا اويماز <
آنارشی ايله ايستيبداددان دويماز
308
سربست دوشونوب، دئييب، يازماق اوچون
افیلرين باشيًنی ازمک اوچون
ايستيبداديًن کوکونو قازماق اوچون
اوز صينفين خئيرينه سئللره يون وئر
فئودال- کومپرادوريزمه سون وئر.
02.07.02004