۸ - عسکريم! بوروکراتيًم! دئپوتاتيًم!
عسکريم! بوروکراتيًم! دئپوتاتيًم!
282
هر توپلوم صينفلردن تشکيل تاپيًب
آغليًنی اودوزان يولوندان ساپيًب
يوخسول ائدن صينف قازانجيًنی چاپيًب
تاجيرصينفی خالقيًمی يوخسول ائديب
اوروسبو، قاچاقچی، ... يئتيم، دول ائديب
چاره سی ندير؟ نه زامان؟ گئنه ده "اينشاآلله"؟
283
دوولتين سولداتی يوخسول اوغلودور
شئفی، بوروکراتی يوخسول اوغلودور
مجليس دئپوتاتی يوخسول اوغلودور
دوولت سرمايه نين قوروقچوسودور
يوخسول ائدن صينفين قوللوقچوسودور
284
تاجيرصينفی خالقيًن جيبینی سويور
روشوت ايله حاققيًن گوزونو اويور
روشوت يئين قانونسوزلوغا اويور
تاجيرصينفی ... اخلاقيياتی پوزور <
يولسوز ائتديگینی اوزونده چوزور
285
يوردسئور خالقيًن اوولادی سولداتدی
ايداره ائدن اوغلو بوروکراتدی
"قانون- وئريجی" اوغلو دئپوتاتدی
يوخسوللوقدان ايستئداديًنی ساتدی <
ايستئدادسيًز ايستئدادی قوللانيًر
ساپمايانلار زيندانلارا يوللانيًر
286 *- دئمه يين دئمه ديلر.
ساپميًش يوخسولو بوروکرات ائديرلر
ايچی- بوشروتبه لی سولدات ائديرلر
"قانون- وئريجی" دئپوتات ائديرلر
يوخسولو يوخسولا قنيًم کسيرلر* <
کی باش قالديًرا بيلمه يه اسيرلر
287
نه زامانا قدر صينفی ظولوم وار
ريفاه ايسته ين يوخسولا ... اولوم وار
فيکير مئيدانيًندا سوز- کوراوغلوم وار
او زامانا قدر صينفی ساواش وار
بايرامدان بايراما بيزده بوزباش وار
288
حقيقت دوشمنه زه هرلی اوخدور
تاجيرصينفی نين موثبت رولو يوخدور
يوخسول ائتديگی قدر پايی چوخدور
(يارادان، يونه لدن، قورويان) يوخسول
حاکيم اولسا يئييب- ايچريک بول- بول
289
عسکريم! بوروکراتيًم! دئپوتاتيًم!
سن منی آتسان دا، من نئجه آتيًم؟
اوزونه گل کی، من آرزوما چاتيًم
آتا باش قالديًرسا حاققيًنی آلا
اوغول "آنا امجه يی کسمز" بالا.
13.01.2005