۵ - لعنت اولسون خسته اعتيقادلارا!
لعنت اولسون خسته اعتيقادلارا !
دينسـل اينانج هر خلقين دوشمانيًدیًر
قاديًن آدلانان ايرقين دوشمانيًدیًر
يازقی يازديًران حاققيًن دوشمانيًدیًر
لعنت اولسون دينسل اعتيقادلارا
ايستيقلال حاققی وئرمز آروادلارا.
سانما جللادکوروش دا عاديل فارسدی
آنام توموروس اونون باشيًنی کسدی
دئدی باش کسنلره بو بير درسدی
لعنت اولسون خسته اعتيقادلارا
معصوم دامغاسی وورار جللادلارا.
(بابکی دوغراتديًران جللادلارا)
عرب دينی ايله چاغ کوسولودور
دين دره بگين ياشام اوصولودور <
دردلريميًز ايسلاميًن محصولودور
اولوم اولسون دينسل اعتيقادلارا
مانيعه توره در ايستئدادلارا
دينسل اعتيقادلاريًن خئيری ندير؟
چاغ ديًشی ساوادلاريًن خئيری ندير؟
گئريچی مئتودلاريًن خئيری ندير؟
لعنت اولسون خسته اعتيقادلارا
موحتاج ائدر اوره ديچی يادلارا.
کوهنه =اسکی، تضاد =چليشکی.
دينی آنا ياسايا قاضی سئچمه!
فئودال اولچوسويله اولچوب- بيچمه!
يوخسا دئموکرات تورکلره آند ايچمه! <
لعنت اولسون خسته اعتيقادلارا،
قويماز سون وئره کوهنه تضادلارا.
هر صينفين اوز پارتیًسی اولماليًدیًر
دئپوتات سئچمه حاققی آلماليًدیًر
ساييً سيًنا گوره يئر بولماليًدیًر <
لعنت اولسون خسته اعتيقادلارا
قاضيًليًق حاققی وئرمز آروادلارا
سن ده آراز تکين اويرت، تنقيد ائت!
تنقيد ائده بيلمه سن يولونو گئت!
آوروپالی تکين موراديًنا يئت!
لعنت اولسون دينسـل اعتيقادلارا
نيفرت يارادار چاغداش ساوادلارا
قويماز يئته بيليمسل مئتودلارا.
(قويماز ال تاپا ساغلام مئتودلارا)
12.04.2005