۴ - دآوآميز دئموکراسی دآوآسيدير.
دآوآميز دئموکراسی دآوآسيدير.
(دآوآميز حاق و حوقوق دآوآسيدير)
مشروطييت ين تئلئگرافلاری:
"آذربايجان مشروعه ايستمه يير."
247
چاغداشليغين دينی دئموکراسيدير
دآوآميز ائشيتچيليک دآوآسيدير
ايسلام دينی خالقين باش بلاسيدير
توپلومون ياری نوفوسو قاديندير
قادينا هئچ بير حاق وئرمه ين ديندير
248
ايسلاما گوره حاقلار آللاهيندير
آللاهدان سونرا آيت الاللاهيندير
موللادان سونرا کولگه سی شاهيندير
خالق ايچره دورد آروادلی کيشی نين دیر
(دييشکن سئکس حاققی کيشی نين دیر)
ايطاعت ائتمک حاققی ديشی نين دیر
249 آراز آغلاتما دينين آناسيًنی!
دينچی هر گون يئنی بير دونا گيرر
يعنی خالقا ايچی- بوش وعده وئرر
بوشونا اوغراشار، چونکو خالق دئير؛
دينچی نين حاققی يوخدور وعده وئره
او حاقلاری کی دين وئريبدير اره
(او حاقلاری کی دين وئريب خان- به یه)
(او حاقلاری کی، دين وئريب ائرکه يه)
250 (محممد و علی)
دئمه ييرلر آلله دا جاهيل ايدی
دئييرلر رسول بی چوخ عاقيل ايدی
شاهليًق ائدن ولی بی عاديل ايدی:
نييه به حاق وئرمدیلر... قاديًنا؟
هم ده ظولم ائتدیلر آلله آديًنا
251 *- مادام آدام دئييلمی؟
نوفوسون ياريًسی مادام دئييلمی؟*
حاقلارينی دانان ايسلام دئييلمی؟
يادين حاققی يادا حارام دئييلمی؟
سن نئجه ظاليًمی عاديل سانيًرسان؟
پيسليگين پيس اولدوغونو دانيًرسان!
کيم اوز خالقيًنی دوشمانسئور ائدر؟
ياخود جهلسئورين يولونو گئدر؟
252
دين بيزی حاقسيًز- حوقوقسوز ياشاتدی
آغيًللانميًش بئيينلری بوشالتدی
تقليد ائدن طوطولارا اوخشاتدی
1400 ايل درد ايله آجی چکديک
کوله يئتيشديرنه ... کوله اکديک
(يئتمزمی؟)
253
1400ايل دينی تجروبه ائتديک
آللاهيًن گوسترديگی يولو گئتديک
علمين يوخ، جهلين هاراييًنا يئتديک
دينين محصولو گئريچیليک اولدو
اولکه باتدی، تاجيرين جيبی دولدو
254
دئموکراسی چاره بولدو هر درده
چونکو عئينی حاققی وئردی هر يئرده
هر فيکيره، ميللته، صينفه، فرده
عئينی حاققی وئرمه ين ايسلام دينی
رسمی اولسا آزاد ائتمز قاديًنی
(رسمی اولسا سربست ائتمز آيديًنی)
255
ايسلام تنقيدچیسینه قان قوسدورار
ايشگنجه ائدر، اولدورر، باسديًرار.
دئموکراسی تنقيد ايله سوسدورار،
سرمايه- ائشيتليگی حاقدان باشقا،
باشقا حاقلاری وئرر "بوشقا- بوشقا".
256
دئموکراسی هر دينی تاختدان سالار
آللاهليًق حاققيًنی آللاهدان آلار <
سربست دوشونمه گين سازيًنی چالار
هر بيرئيه عئينی حاقلاری وئرر
حاق و حوقوق دآوآسی سونا ايرر.
20.06.2004