۳ - "ياخشی ايسلام" پيسليگين مئماريًديًر.
"ياخشی ايسلام" پيسليگين مئماريًديًر.
هر کسين تبليغ و تنقيد حاققی وار،
ياخشيًيا حورمت ائدرلر، پيسی خار.
235 *- قورآنداکی ايسلام
ايسلاميًن پيسليگی قورآندا ياتيًب.
ايسلاما "ياخشی" دئين خالقی ساتيًب،
باغيًشلانا بيلمز گوناها باتيًب.
"ياخشی ايسلام"ی ايفشا ائتمک اوچون،*
آچيًلماليًديًر وورولدوغو دوگون.
236 *- سوره 24، آيه 31
پيس ايسلامی موللا گرچکلشديرير
چاغيًن قورخوسوندان گويچکلشديرير <
چادرالی قاديًنی لچکلشديرير
"ياخشی ايسلام" سوکدورردی قارنيًنی
گوسترسه يدی آروادی نيًن بورنونو*
(سوره 33، آيه 53+59)
237
"ياخشی ايسلام" ... نيسا سوره سينده دیر
ايبطال اولا بيلمز آيه سينده دیر <<<
آيه لرينده کی قايه سينده دیر
پيس ايسلام آيه ايبطال ائتمکده دیر
يعنی خالقيًن يولونو "گئتمکده دیر"
238 *- سوره 24، آيه 2.
"ياخشی ايسلام" داشلاداردی قاديًنی*
لاکين دورد آرواد آلماغيًن آديًنی
ثاواب قويموشدو کی، دادسيًن داديًنی
پيس ايسلام ايسته يير باشقا يول گئده
"داش- قالاق" قانونونو ايبطال ائده
239
"ياخشی ايسلام" جهل ايله ايضاح ائتدی
هر يئرده وار دئدی، "معراج"ا گئتدی
هانسی يئددينجی قاتدا شاها يئتدی؟
پيس ايسلام حاقلی "ساييًر" گاليله نی
اوکوزله آنلادماييًر زلزله نی
240
"ياخشی ايسلام" چاغيًندان ايلهام آليًب
مين دور يوز ايل بو گوندن گئری قاليًب
گئری قالديًغی قدر درده ساليًب <<<
پيس ايسلام هاردا کی، يولوندان آزيًر
گئريچیليگين قبيرینی قازيًر
241 *- (4: 34+11+3)، (2: 228+282)
"ياخشی ايسلام" دئير آلله ائرککدی
يعنی ائرکگين روتبه سی يوکسکدی*
قاديًنی اورتاق ائتمه ميش کی، تکدی
پيس ايسلام قاديًنی "وکيل" سئچديرير
ايسلام قانونلاريًنا آند ايچديرير
(ائرکک قانونلاريًنا آند ايچديرير)
242
"ياخشی ايسلام" قاديًنی ائديب کوله
آنلاتماق چوخ چتيندير باشقا ائله
گورمک لازيًمديًر کی، آنلايا بيله
پيس ايسلام "ياخشی ايسلام"ی قورويور
هم ده زير- زيبللرينی کورويور
243 *- امام رضانيًن بير ساعاتليًق فاحيشه لری.
پيس ايسلام دئيير کی، دورد آرواد آليًن
يئتمه سه مشهده گئتمه يه داليًن
هر گون بير صيقه نين ائوينده قاليًن*
پيس ايسلامی موجوز ايفشا ائديبدير
آراز ... موجوزون يولونو گئديبدير
244 *- (7: 4+72)، (10: 73)
"ياخشی ايسلام" قورآندا يازيًليًبديًر
قانون قويماغيًن کوکو قازيًليًبديًر
سربست دوشونمک حاققی پوزولوبدور
"ياخشی ايسلام" حاق وئرمه ييب اينسانا
کی ايسلاميًن حودودلاريًنی دانا*
245 *- (5: 33)، (9: 5)، (3: 35)
"ياخشی ايسلام"يًن منطيقی قيًليًنجدی*
اوحود ايله خندک ساواشی آچدی
موسليم اولمايانيًن قانيًنی ايچدی
"ياخشی ايسلام" بابکیمی دوغرادی
دوغرادی کی، قلبه يه اوغرادی
246
ايسلام حاق وئرمه سه موللا نئيله سين؟
آلدانان بوشونا يارديًم ديله سين
يوخسا ايسلام دينینی ترک ائيله سين
دئمه ايسلام "ياخشی"دی، موللا پيسدی
موللانی پيس ائدن ايسلام نجيسدی. (مورداردی.)
21.11.2006